Receptie 12 mei

Ter ere van de kampioenschappen van MC1 en N4.1  houdt VC Athos’70 op vrijdag 12 mei een receptie in de kantine van Sporthal de Kruisweide van 19.00-20.00 uur.
Wij nodigen u van harte uit om de kampioenen op deze avond een handje te komen geven!

Seizoensevaluatie VC Athos’70/VC Trivia HS1

“Ut zit d’r wer op” “Dit was ie dan” “Genne bal mier houwe op zoaterdag”

Ja beste minse, jullie leaze ut good. Ut volleybalseizoen is wer aan zien end gekomen. Un seizoen  met volleybalspektakel, gezelligheid, overwinningen, verliezen, hiel veul beer, Fireman, studieverplichtingen, versleten kneeën, gebroake handen, pienlijke tiëne en ander blessureleed zit d’r wer op. Vurdat ge verder least kunde ut beste ffkes un lekker pilske of glaas wien en unne zak chips pakke want ut is un hiel bookwerk gewoare.

Weej nemen jullie efkes mij terug na ut begin van dit seizoen.

Boete dat d’r op volleybal gebied vanalles is gebeurd. Is d’r qua relatie statussen ok vanalles gebeurd dit seizoen. Maar liefst 3 dames die gaande dit seizoen gevallen zien vur os volleybaltalent. Os vreejgezellige team van vur de competitie is inmiddels dus iets minder vreejgezellig. Dit het opzich niks met ut volleybal te make ma is toch moei mijgenoame.

Dinsdag 9 augustus 2022. Dit is dn datum dat weej ozze volleybalschoon wer oet de kast kosse hale. Um 19.00 oor waas ut primetime in de Torrekoel in d’n Kroëneberg. Noa 10 minuten haije weej de naam officieel veranderd in ‘De Sauna van ut Kroënegaat’. Mijn god waat waas ut werm in dat ding.

De gehiele mond augustus hebbe weej 2x in de weak doorgebracht in dit zaaltje. Ondertussen krege weej ok un bield van hoe dit seizoen er oet giet zeen. Weej wiste vurdat de ierste oefenwedstrijd gespeuld waas al dat dit gen mekkelijk seizoen ging weare.

Bej deze de onzekerheden die in augustus nog allemoal oape stonge:

1.         Genne vaste coach.

2.         Pieter kriegt un neej kneej. Wie giet os in din tied traine geave?

3.         Hoe giet Harry zien kneej ut halde? (spelverdeiler)

4.         Wiel kriegt un bestuursfunctie op schoel. (spelverdeiler)

4 punten die ge vur un neej seizoen livver neet least. Ma good, zoe creatief as weej zien zien we puntje vur puntje op goan losse. Beej deze dan ok un hiel groet bedankje vur de TC. Same hebbe we ut toch vur elkaar wiete te boksen um alle oetdagingen op te losse.

Wat betreft ut coachen zien weej blie dat we toch ma fijn iedere wedstrijd iemand neave de kant haije stoan din os in t gereel heat gehoaje. Heervur willen weej Paul H., Fred K., Pieter C. en veural Ben T. hiel erg bedanken. Ben weej zien ow enorm dankbaar dat geej ut groetste diel van de wedstrijden als coach neave de lien het gestoan.

Vur ut 2e puntje willen weej Hans v D., Bas W. en Piet H. bedanken. Dankzij jullie hebben weej in d’n tied dat Pieter un neej kneej kreeg toch fijn kunnen trainen.

Dan hedde nog die 2 spelverdeilers van os. Harry het un neej kneej nudig en Wiel kriegt ut druk met zien opleiding. Wiel weej vinge ut kei schon dat gej deze kans gegrepen het. Ma dit bracht os wal bej de oetdaging dat d’r un kans waas dat weej wedstrijden mosse goan speule zonder vaste spelverdeiler.

Dit is oeteindelijk ok allemoal good gekomen. Gaande weg ut seizoen zien heervur verschillende oplossingen bedacht. Heer kome weej nog wal op terug in de rest van dit prachtige verslaag. Gelukkig haj Harry boete de teageslagen met zien kneej op 27 augustus ok moei neejs vur os. Hej waas de ierste van de 3 die voortaan ok un meid mijnimt na de teamfeestjes.

Dit waas wal zon bitje ozze veurbereiding vur de ierste oefenwedstrijd.

Zoaterdag 3 septermber stong dr unne oefendriekamp in Panningen op ut programma. En dat mijne die F1 coureurs dat ze precies deze datum un kwalificatie motte goan reeje in zandvoort. Toen kwame weej dr dus ok achter dan Roy en Jip ut leuker vingen um auto’s te kieke as te volleye met hun team. Schandalig ma goed we doon ut dr ma wer mij. Dan hedde ok nog ozze jongste telg din mende dat ie wat anders mos goan doon. Dit beteikende dus dat weej met 7 na Panningen mosse afreizen. Teminste dat mende weej tot dat d’r in de groepsapp un appje verscheen um 11.29 oor. “ik heb flinke koorst en hoofdpijn dus voor mij is het niet verstandig om mee te doen vanmiddag”.  Ja doar ging ozze reservespeuler. Met 6 man incl. un onzeker kneej na Panningen. Dat onzeker kneej waas noa unne halve set oetgespeuld. Toen stonge we doa fijn te kieke met 5 man sterk. Oeteindelijk het d’r um de beurt unne speuler van Olympia beej os mij gedoan.

De ierste oefenwedstrijden waren gen groet succes, ma dat hebbe we ’s oavends op de kroënenbergse kermis ma gouw weg gedronke.

Noadat we de weak dr op nog enne oefenwedstijd tigge Boalder hebbe gespeuld kos de competitie goan beginne. Ut waas inmiddels duudelijk dat Harry de 1e seizoenshelft ni mij zuj goan speule i.v.m. zien kneej. Toen haije we dus nog unne halve spelverdeiler oaver. Op de trainingen zien we dus ma gouw begos um Roel te goan liere spelverdeilen. Verder het Paul van Hiere 2 un del wedstrijden met os mij gespeuld. Hiel erg bedankt heervur Paul! Gaandeweg de ierste paar wedstrijden mende dat ut kneej van Thomas ok nog moeilijk mos goan doon. Met flink wat tape en 1 training per weak oaver sloan het heej gelukkig wal alle wedstrijden mij kunnen doon. Ma goed wer un kneusje dr beej dus.

Toen werd ut woensdag 16 november. Vol gojje mood begosse weej aan de training. Jip mos opeans 2 dingen tegeliek goan doon. We werde ma wer is moei met de neus op de feiten gedrukt. ‘Kels kunne gen 2 dingen tegeliek’. Kei moeie topspin, prachtige pass, enne knoep lompe harde aanval van Roy en doarnoa unne gebroake pols vur Jip. Gevolg: langduring oet de running.

De weak d’r op haj de TC de keuze gemaakt um unne speuler van t 2e door te schuuve na os kneuzenteam. Geert kei sjiek dat geej de rest van ut seizoen beej os mij het wille doon. Deze switch resulteerde op zoaterdag 26 november gelijk in de ierste oaverwinning van ut seizoen. 3-1 winst op Avance oet Sambeek.

3 december stong d’r ok un hoegtepuntje op ut programma. ’s Oaves met un deligatie Athos partyanimals richting Eindhoven. Gef ze unne koptelefoon, beer, wien en shotjes. Dan hedde gegarandeerd gezelligheid. Op ut end van dn oavend nog lekker unne vettige pizza met knoef en toen kosse we wer richting hoes. Wie haj gedocht dat de terugrit rustig zuj verloepe haaj dit good mis. Ien groete zatte bedoeling in die bus. Allien Roel kreeg ut kloar um te goan sloape tusse al die schrieuwende en springende mafkezen. Ut ierste Athos zoep oetstapje waas un groet succes. Komend seizoen goan we dit dunnetjes oaverdoon. Freek geej regelt dit wer toch?

De weak d’r op stong de Hiere 1 teamdaag op ut programma. ‘s Middags oppe tied melden beej de sporthal waas de opdracht van de organisatie. Verder waas ut vur de rest un groete verassing. Noa efkes in d’n auto te hebbe gezeate kwamen weej aan beej un krotje woa ge met bliele op un bord kos goeie. Dat is efkes wat anders as tigge unne bal aan houwe. Noa efkes te hebbe geoefend kwaam ut fanatisme wer boave drieve. D’r werde zelfs overwingsrundjes gespronge. ’s Oaves un lekker buffetje van Henk oet Hôrs-America en doarnoa biertjes drinke bej Robbert thoes. Schonne oavend tot dat we d’mr unne kwiet ware. Ofja wej ware niemand kwiet ma ozze jongste waas ni thoes gekome noadat hej na hoes zuj goan. Ozze captain kreeg un telefoontje ow hej wist woa ozze flessendrager waas. Weej ma met 2 man de fiets op um te goan kieke… Bleek dat hej nog ffkes urges anders un pilske waas goan drinke. Vur niks de keld getrotseerd um oeteindelijk op zeuk te zien na niemand. Ma wer terug na Robbert um d’r doa nog un paar te drinke.

De laatste wedstijd vur de winterstop stong 17 december op ut programma. Deze hebbe weej moei afgesloate met un 3-1 oaverwinning op VC Volt. Ienigste minpuntje waas wal dat dit de 1e set waas di Volt het gewonne. Maja kleinigheidje hoajde altied.

Noa al dat blesureleed in de 1e seizoenshelft hebbe we toch un moei “1e helft hoegtepunt” wiete neer te zette: Genne wedstijd met 4-0 verloren. Zoe bliekt ma dat wej os ni zoema oet t veld loate sloan.

Op 30 december waas ut tied vur ut joarlijkse kerstballentoernooi. Dit kier haaj de organisatie ok gedocht aan degene die nimmer zoa soepel door het veld kunne vleege of de minse die gewoen livver aan un toeptaffel zitte as in un volleybalveld stoan. Ut Athos Toeptoernooi waas geboare. Ok ut volleybaltoernooi waas wer un groet succes. Op maar lifst 4 velden werd gestreden um de oaverwinning. Misschien nog wal leuker waas de afterparty. Met de ganse club un fieustje bouwen in de kantine. Weej hebbe nog noeit zoaveul minse in de kantine gezeen. Rond 4 oor in de merge waas t toch ma tied um richting hoes te goan. Ni dat weej dit nog zo good wiete, ma doa hebbe ze tiggewoardig unne Google Maps tiedlien vur. Kei hendig vur as ge nimmer wet woa ge gewes ziet.

De 2e seizoenshelft stong op ut punt van beginne. Heej er doa waas d’r nog steeds wat blesureleed dus besloate weej um Freek ok ma wat spelverdeilers techniek beej te brengen. Dit is ok maar liefst 2 wedstrijden nudig gewes. Ondanks dit alles heelde weej de stiekeme hoap dat we de laaste wedstijden compleet zujje goan zien.

De 2e helft haije weej 3 doelen. Ozze status van niks met 4-0 verlezen vast hoaije, unne wedstrijd met 4-0 goan winne en van de 7e na de 6e plaats stijgen. Die 6e plaats haije we gouw genog bereikt. T waas un kwestie van doorzetten en iedere wedstijd puntjes beej elkaar sprokkelen.

De andere 2 doelen zien ok bereikt en doa zien weej trots op.

Tied vur de carnaval. Jip nog steeds pien aan zien hendje en Harry haaj nog steeds gen neej kneej gekrege. Carnaval viere waas dan wer gen probleem vur ozze kneuzen. Ondertussen hajje weej wer un 3-1 overwinnig beejgeschreven en waas os doel van gen 5 punten weggeave nog steeds intact.

Eind februari begos ozze Jip wer met trainen. Op 18 maart waas ut moment dat heej wer as speuler op ut wedstrijdformulier werd gezatte. En ma good ok want heej waas gouw genog nudig in ut veld. Nou haije we dr nog 1 din ziene return mos goan make. Met nog 3 wedstrijden op ut programma werd de hoop dat dit ging gebeuren steeds un bitje minder. Helaas is ut ok ni gelukt um Harry nog te loate speule dit seizoen.

De weak van het “Athos bijna eindseizoensfeest” braak aan. Woensdag op de training kwaam Roelie met t gojje neejs dat heej zien ergernissen van de wedstrijd tigge Panningen op zondag gouw genog vergeate waas. Heej kos mededelen dat sinds di zondag (26 maart vur de neejschearige) nummer 2 van de 3 waas din tiggewoordig un meid mijnimt na de teamfeestjes. Och verrek dat is ga ni woar want heej ment dat t graas op andere plaatse greuner is. Helaas giet Roel os verloate en zal heej volgend seizoen oetkomen in ut geal zwaart van Hôrs. Ut is nog wal un verassing vur Roel welk niveau heej giet speule want handhaving is toch lastig vur ut 1e van Hovoc. Al die onzekerheid… ge haj veul beater beej os kunne blieve.

Zoaterdag 1 april waas ut zoe wiet. Um half 3 in de middag unne wedstrijd speule in Beers tigge Volt. Toevallig waas op t andere veld in die sporthal ok ut Athos paars te bewonderen. Hiere 3 speulde tegeliek met os unne wedstijd in Beers. Ut A-T-HOS het nog noeit zoe hard geklonken in de Kloosterhof. Nog veul moeier waas dat weej os 2e doel bereikten deze wedstrijd. 5 punten gingen mij richting de kruisweide. Doa aangekomen waas ut tied vur unne goije bojjem um ut “Bijna eindseizoensfeest” te goan oaverleave. Same met Hiere 3 na de frietkroam.

T waas wederom un geslaagd Athos fieust. De dansvloor in de kruisweide is nog noeit zo hard belast as deze oavend. Met de ganse club spellen speule en biertjes drinke. D’n sjoelbak waas un groet succes. Roy ging zoe fanatiek op in ut sjoele dat heej op en gegeave moment op ut idee kwaam um leavend sjoele in ut leave te roope. Unne gojje aanloep, prachtige afzet, zwevend door de lucht en unne kei harde landing op Jip. Vur de afzet krieg hej 10 punten. De landing waas ni echt soepel. Jip waas zoe onder de indruk dat heej efkes na boete mos um beej te komen. Goj moment vur ut nummer “He Ho Jip wat kijk je sip”. Oeteindelijk bleek ut allemoal mij te valle want Jippie stong wer lekker met zien kont tigge de rest van ut team aan te hengste. En dat terwijl d’r genog dames aanwezig ware. Verder waas d’r deze oavend nog wal wat ander scharrelgedrag te bekennen. (Gen commentaar. As ge neejschearig ziet haijde ma motte kome.)

Daags d’r noa waas de Google Maps tiedlien beej sommige wer nudig um te kieke hoelaat ze na hoes zien gegoan. Teiken dat ut wer unne gezellige oavend waas.

15 april. De laatste wedstrijd van ut seizoen en ut Trivia eindfieust. Um 19.00 ut ierste fluitsignaal in Sambeek. Deze wedstrijd hebbe we nog efkes winnend afgesloate. Met un 3-1 overwinning ginge weej richting Mieterik woa wer un oavendje beer drinke op de planning stong. Tevens waas dit ok de laatste kier dat Roel met os un belke het geslagen. Erg jammer ma dat hebbe we al besproake. Verder waas ut noa deze wedstrijd ok definitief dat weej dit seizoen genne wedstrijd met 4-0 hebbe verloare. Prestatie opzich. As we dan efkes na ut blesureleed goan kieke zien er ma liefst 2 speulers die gen training of wedstrijd hebben gemist door un pijntje. Shoutout richting Roy en Daan.

Aangekomen in de Mieterik werden weej beej binnenkomst un bitje raar aangekeken. Snappen weej wal aangezien weej oaver ut algemein veural beej Athos te vingen zien. Ma goed, ut bleek toch dat die knappe koppen wal in de smaak velen aan de Trivia kant. Weej neume gen namen.

Zoals alle andere aanwezige teams moste ok weej un liedje karaoke zingen. Os lijflied waas al gekozen door un ander team dus hebbe weej d’r ma enne oetgezoch van de Stoere Patsers. Klonk nerges noa ma hebbe wal gelachen. Ut vervolg van de oavend bestong veural oet goijekoep beer, dansen en scheale wazel. Weej wiete nimmer wie ut tempo bepaalde ma as ge 2x bonnen beej mot halen dan wette dat ut aan de hoege kant loag. Um half 3 waas ut gedoan. Noadat wej na boete geveagd ware krege d’r un paar ut idee um nog unne vettige pizza bej d’n turk te goan eate. Ozze vriend meneer de pizzabakker woj os nimmer binne loate eate dus zien we ma vur ut Gastehoes wenkske aan wenkske op un benkske goan zitte. Deze pizza goof ozze Captain nog voldoende energie um later in de nach, nog net op de valreep vur ut einde van dit seizoen, as 3e un vriendin beej os team te betrekken.

Weej hebbe wer un kei sjiek seizoen gehad. Met zoals jullie al hebbe geleaze un paar schonne hoegtepunten:

1 Genne wedstrijd met 4-0 verloren

2 Unne wedstrijd met 4-0 gewonnen

3 3 neeje Athos/Trivia speulersvrouwen

4 Athos busoetstapje

5 Hiel veul gezelligheid

Volgend seizoen zal os team er iets anders oet komen te zeen. Gezichten zullen verdwiene en weej zien nog hard bezig um neeje gezichten te verwelkomen. Verder zal er met posities ok geschoven goan weare. Hoe dit d’r precies oet zal goan zeen hoaje weej nog efkes vur os. Vur nou goan weej nog un paar kier lekker trainen en zulle we in mei aanwezig zien op de donderdagoavend mixtoernooitjes. Vanaf juni goan weej un paar weake genieten van ozze verdiende rust en dan zulle we vanaf augustus wer aanwezig zien un de sporthal.

Bamboe en tot de volgende!

Mix toernooi’s

Voor een sportieve en gezellige afsluiting organiseren we weer de Athos’70 mixtoernooi ‘s. De toernooitjes vinden op donderdag plaats: inschrijven kan tot 20.10 uur bij binnenkomst in de kantine, de organisatie maakt daarna gelijkwaardige teams. Inspelen is van 20.00 uur tot 20.30 uur. Het toernooi duurt van 20.30 uur tot ongeveer 22.00 uur. Neem je graag een introducee mee, die graag eens volleyballen met ‘professionele amateurs ‘ uit wil proberen? Aarzel niet en neem hem of haar mee! De toernooidata zijn: 11 mei, 25 mei en 1 juni

Groetjes, De mixtoernooiorganisatiecommissie